Shoferët e makinave Audi janë më të këqijtë. Të paktën në këtë përfundim ka dalë një studim i realizuar së fundmi.
Sipas kërkimit të realizuar nga Van Monster rezulton se pronarët e këtyre automobilave gjermanë janë më pak kompetentë, të vëmendshëm dhe të sinqertë. Kuptohet se këtu po flasim brenda kornizave të qarkullimit rrugor dhe jo në jetën e përditshme.
Në kuadër të këtij studimi janë mbikqyrur 2,000 shoferë dhe rezultoi se drejtuesit e Audi-t ishin më të predispozuarit për të kryer 17 nga 33 kundërvajtje drejtimi.
Drejtuesit e Seat rezulton të ishin më të prirurit për të ecur rrugës me 'inat', ndërsa drejtuesit e Volvo e mbajtën deri në fund reputacionin e tyre dhe doli që ishin më të sigurt dhe të përgjegjshëm, të ndjekur nga pas nga drejtuesit e Hyundai dhe Honda.
Sa i përket shoferëve të BMW-ve, për habi, rezultoi se ka pak të ngjarë që ata të kryenin ndonjë shkelje gjatë qarkullimit.
Drejtuesit e Range Rover-ave ka shumë të ngjarë që ta hapin derën e makinës afër automjeteve të tjera duke thyer ndonjë pasqyrë, megjithëse ndoshta kjo është diçka që ka të bëjë me madhësinë e këtyre automjeteve.
Të kthehemi të shoferët e Audit, ata ishin të dytit në radhë sa i përket hedhjes së mbeturinave nga dritarja, ndërsa vendin e parë e mbanin drejtuesit e Nissan.
Sipas një studimi të realizuar vitin e shkuar nga GoCompare tre vendet e para për shoferët më të këqij i mbanin, drejtuesit e BMW, në vend të parë, drejtuesit e Audi, në vend të dytë dhe drejtuesit e Mercedes, në vend të tretë.
Burimi:LAD BIBLE|Përktheu dhe Përshtati: JOQ Albania
