JOQ Albania
Home

Pas Apple, Google dhe Amazon, Sony mund të prezantojë asistentin e tij AI
Shkruar nga: S Bardhi | Publikuar më: 30/09/2019 16:22

  • Share
  • Share
  • Share
  • Share

Asistentët AI si Google Assistant, Amazon Alexa dhe Apple Siri kanë bërë të mundur që njerëzit të aksesojnë një shumëllojshmëri funksionesh nëprmjet zërit apo tekstit me ndihmën e algoritmave back-end. Ti mund ta bësh shtëpinë tënde smart me ndihmën e pajisjeve që përfshijnë asistentët AI të cilët menaxhojnë detyra të përditshme si porositja e ushqimit, vendosja e këngëve të preferuara, leximi i lajmeve etj. Shumica prej nesh janë familjarizuar me asistentët me zë si Alexa dhe Google Assistant. Duket se Sony gjithashtu po shikon për të patur të tijin një assistent me zë. Kompania së fundmi mori një patentë për një asistent AI me zë për lojërat për PlayStation.

 

Asistenti AI do të quhet PlayStation Assist, i cili do të ndihmojë lojtarët nëse nuk arrijnë të kuptojnë se cfarë duhet të bëjnë në një situatë të caktuar. Për shembull, nëse lojtarit i duhet të gjejë një cantë për ndihmën e shpejtë sa më afër të jetë e mundur, ti mund të pyesësh PlayStation Assist dhe vendndodhja e cantës do të tregohet në hartë. Kjo patentë ka si qëllim për të përmirësuar eksperiencën në lojërat e ndryshme të PlayStation. Sipas Sony, lloji i informacionit që Play Station Assist mund ti ndihmojë lojtarët në lidhje me: strategjinë, marrja e informacionit nga miqtë të cilët luajnë të njëjtën lojë, informacion sesi të mund të dalësh nga një situatë në të cilën ke ngecur etj.