Pas tërmetit të fuqishëm të shkallës 5.8 Rihter, qyteti i Durrësit sapo është përfshirë nga moti i keq.
Stuhia e shoqëruar me shtrëngata shiu, erëra të forta dhe shkarkesa të fuqishme atmosferike ka goditur mbrëmjen e sotme qytetin bregdetar dhe ka zgjatur disa minuta.
Reshjet me intensitet të lartë kanë nisur që prej pasdites në qytetin e Lezhës, e mesa duket stuhia është drejtuar drejt Durrësit dhe Tiranës.
Sinoptikanët kanë parashikuar që reshjet e dendura do të përfshijnë thuajse gjithë vendin.
Kujtojmë këtu që epiqendra e tërmetit që la pas qindra banesa të shkatërruara dhe mbi 100 persona të plagosur, ishte në Detin Adriatik, 1 km larg qytetit të Durrësit.