Akademiku i njohur, Artan Fuga ka reaguar pas lajmit fals që tmerroi qytetarët e Tiranës dhe Durrësit, ku thuhej se mbrëmjen e djeshme vendi do të goditej nga një tërmet "apokaliptik" në orën 23:30.
Në një postim në rrjetet sociale , Fuga ka ironizuar "marrëzinë" e mbrëmjes së djeshme, ku mijëra qytetarë të tmerruar u mashtruan nga lajmi i rremë dhe dolën rrugëve në mes të natës, ndërsa të shumtë ishin ata që u larguan me makina nga Tirana, duke shkaktuar trafik.
Ndër të tjera akademiku parashtron një pyetje "pikante", ku shprehet: Ore, po budallëku a parashikohet?
Fuga nuk kursen as ironinë ndaj qeverisë, ku në një fjali thekson se "tjetrën e ka graduar partia ministre direkt nga arat me misër".
Reagimi i plotë:
Po tajfunet që afrohen nga oqeani dhe shkatërrojnë krahina të tëra vendesh shtetesh të fuqishme si Bahamasi? Furtuna e fuqishme, ardhja e asteroideve, po ardhja e gripit që vret mijra njerëz? Jo! Thonë budallenjtë, janë punët të Zotit ato! – ja plas njeri. Nuk parashikohen – ja pret tjetra që partia e ka graduar ministre direkt nga arat me misër. E shumta, mbani o kalamanj një jastëk në çantë dhe vëreni në kokë kur të bjerë tërmeti dhe ikni nga dritaret! Uauuuauauaaaaaa! Ore po budallallëku a parashikohet? Parashikohen tërmetet o posssiiii! – ja plas pas pilafit kur i del basti njerit nga Qiproja a nga Madagaskari. Po ku ishe o t’u mbylltë para sesa të binte tërmeti!!! Ahaaaaaa! Nuk doje panik? Pse Cikago është Tirana që bllokohet nga veturat si nëpër filma me vullkane!!! Ne ja japim vrapit a derëzi! Mos na qaj hallin!
