Petrit Syla, administratori i ‘Skela Syla’ është liruar sot nga qelia me vendim të Gjykatës së Apelit.
Syla u arrestua pas vdekjes së dy puntorëve të ndërtimit që u rrëzuan nga skela në rrugën e Elbasanit në kryeqytet në 16 gusht. Ai akuzohet për thyerje të rregullave të sigurisë në punë, çka solli edhe vdekjen e dy puntorëve.
Vendimi për lirimin e Sylës u mor nga trupa gjykuese e përbërë nga Artur Gaxhi, Flutura Skënderi dhe Gramoz Levanaj.
Petrit Syla u shpall në kërkim pas datës 16 gusht, pasi është konstatuar se nuk janë respektuar rregullat e sigurisë në punë.
Avokati i administratorit apeloi vendimin duke theksuar se ndalimi i Sylës është i paligjshëm pasi përgjegjësia për vdekjen e dy puntorëve nuk bie mbi klientin e tij.