Një hidraulik zemërgjerë, i cili rregullon bolierë falas për personat e sëmurë dhe invalidë, ka marrë rreth 80,000 paund dhurime në më pak se një javë.
52-vjeçari James Anderson nga Burnley kërkon që t'i ofrojë shërbimet më gjerë në vend, por duke dhënë ndihmë falas rrezikonte të mbeste trokë. Kështu ai ka nisur të mbledhë para në mënyrë që t'u vijë në ndihmë të moshuarve që janë në nevojë dhe pa mbështetje.
Gjatë javës së shkuar historia e tij u bë virale në rrjet, pasi u postua një foto nga një faturë që lexonte £0 për shërbimet e bëra ndaj një gruaje 90-vjeçare me leucemi.
Sëmundja që ka e moshuara është e pashërueshme dhe ai ia ofroi shërbimet falas.
Tani Anderson thotë se është prekur shumë nga mbështetja që ka marrë prej njerëzve të panjohur që i kanë ofruar pushime falas, i kanë shkruar emaile pa fund dhe i kanë dhuruar rreth 80,000 paund.
Hidrauliku thotë se përpara se të merrte dhurime nga njerëz të ndryshëm mezi ia dilte që të shlyente overdraftin.
Me paratë e mbledhura, ai do të ndihmojë njerëzit jashtë Lancashire, me shpresën se praktika e tij do të shpërndahet më gjerë.
Burimi:LAD BIBLE|Përktheu dhe përshtati:JOQ Albania
