Ka përfunduar në pranga një 52 vjeçar shqiptar, i cili ka vënë dorë mbi të bijën. Ngjarja ka ndodhur në fshain Acalenjo në Kretë të Greqisë. Ka qenë zilja e celularit të vajzës, e cila lajmëronte mbërritjen e një mesazhi, ajo që ka acaruar të atin.
Pasi ka lexuar mesazhin dërguar të bijës, 52-vjeçari e ka goditur me grushte e me shqelma. Pak orë më pas 15-vjeçarja është dërguar në spital. Kanë qenë fqinjët ata që kanë raportuar ngjarjen e rëndë.
Nga ana tjetër, policia arrestoi babain dhe gjyqi ndaj tij do të bëhet sot.
Mësohet se shqiptari, tashmë i arrestuar, vinte dorë shpesh ndaj bashkëshortes dhe fëmijëve të tij, ndërsa është edhe përdorues i alkoolit.
Emri i autorit për momentin nuk bëhet publik, por gjatë ditëve në vazhdim, prokuroria e Kretës pritet të urdhërojë publikimin e të dhënave dhe fotove të tij.
