Sizmologu komenton deklaratën e grekut: S’ka vend për panik, më e keqja kaloi

Teksa qytetarët e Tiranës e Durrësit kanë kaluar natën në panik, shumë prej tyre janë larguar nga këto qytete e të tjerë kanë fjetur jashtë banesave, pas lajmit të rremë për tërmet shkatërrimtar, sizmologu Llambro Duni ka thënë fjalën e tij.

Ndërsa bëri thirrje për qetësi dhe komentoi deklaratat e sizmologut grek, Duni u shpreh se fjala e kolegut ishte keqinterpretuar. Sipas ekspertit, organet e shtetit helen, por dhe vendet fqinje nuk kanë dhënë asnjë sinjal për një termet të fuqishëm.

Për Llambro Dunin ngjarja e fuqishme ishte termeti i parë dhe lëkundjet në vijim janë pjesë e procesi të normalizimit të situatës.

Llambro Duni

Ai tha nga godina e Kryeministrisë:

Tërmetet nuk mund të parashikohen. Unë e kam dëgjuar deklaratën e sizmologut grek dhe ai nuk ka thënë asgjë të tillë, që pra që do ndodhë një tërmet i përmasave të tilla. Nuk ka asnjë njoftim dhe asnjë komunikatë nga asnjë organ i vendeve fqinj, që të na mund të na japë indicien më të vogël se ne mund të presim një goditje tërmetore më të fuqishme. Unë deklaroj se i gjithë departamenti i IGJEUM është në punë dhe nuk ka vend për panik e them me bindje. Ngjarja e fuqishme, ishte ajo që ishte. Ajo kaloi dhe në vazhdim presim që kjo dukuri në vijmësi të vij duke u shuar, deri në momentin që pllakat tektonike të stabilzohen dhe në të kemi kthim në situatë normale”.