“Tërmet 6 ballë në orën 23:30?”, sizmologu i njohur qetëson qytetarët: Janë mashtrime!

Një mesazh është përhapur me shpejtësi në rrjet, duke shkaktuar panik dhe frikë tek qytetarët, të cilët kanë dalë jashtë të lemerisur.

Sipas këtij njoftimi thuhet se një sizmiolog grek ka parashikuar se Shqipëria do të goditet nga një tërmet 6 ballësh në orën 23:30 të mbrëmjes së sotme.

Në një lidhje telefonike për "News 24", sizmiologu i njohur, Rrapo Ormeni, theksoi se qytetarët duhet të jenë të qetë, pasi këto janë mashtrime që bëhen nga njerëz dashakeqë.

Ormeni shtoi se tërmetet nuk mund të parashikohen, si dhe nuk do të ketë më lëkundje të madhe 5.8 ballë, por veç lëkundje të vogla, pa rrezik për qytetarët.

Ai tha:

Ky është thjesht një mashtrim nuk mund të parashikohet tërmeti. Janë lajme mashtrimesh. Ndërsa tërmetet 4 deri 5 janë normale, për të vendosur në ekuilibër zona sizmologjike ku u ndje tërmeti kryesor. Këto janë lëkundje të lehta dhe nuk shkaktojnë ndonjë dëm të madh. Do të ketë edhe pas-goditje. Nuk do ketë më lëkundje të madhe 5.8. Lëkundje të vogla do të ketë, por nuk do të ndihen, janë pa rrezik për qytetarët."