Shpresa Baka është 50 vjeçarja që ndërroi jetë pas atentatit të djeshëm në Fushë -Krujë. Si pasojë e atentatit ngeli i plagosur nipi i saj, 27 vjeçari Mariglen Haka.
Ngjarja ndodhi rreth orës 22:30. Haka u dërgua me urgjencë, me një automjet luksoz, në spital. Ai ndodhet ende pranë bluzave të bardha, teksa po merr mjekimin e nevojshëm dhe kujdes mjekësor. Por siç raportohet, 27 vjeçari nuk është një emër i panjohur për policinë.
I konsideruar si një nga të “fortët” e Fushë Krujës, ai është arrestuar në shtator 2018 së bashku me disa persona të tjerë gjatë një aksioni të RENEA-s në Nikël.
Haka u arrestua në posedim pa leje të armëve dhe municioneve luftarake dhe shitjes së lëndëve narkotike, mëson FacWeb.
Po ashtu në qershorin e 2011-ës ai u arrestua nga policia si i akuzuar për eliminimin e Nadien Zenelit, ngjarje e ndodhur në zonën e Bllokut në Tiranë. Aso kohe, ekzekutimi i 32-vjeçarit nga Dibra u dyshua si eleminim për shkaqe hakmarrjeje.