Peshëngritësi shqiptar, Briken Calja ka arritur një tjetër sukses të madh në karrierën e tij.
Djaloshi nga Elbasani është renditur i treti në stilin e shkëputjes në peshën 73 kg, në Kampionatin Botëror të Peshëngritjes, i cili po zhvillohet në Tajvan.
Në këtë stil, Calja ngriti 156 kg, duke marrë medaljen e bronztë. Ndërsa në stilin e shkëputjes, shtangisti u klasifikua në vendin e 13-të, me 181kg.
Për pasojë, Briken Calja e mbylli konkurrimin në dygarësh në vendin e pestë, me 337 kg (garoi në Baterinë A). Në shkëputje, Calja i realizoi me sukses të dyja provat, me 151 kg dhe 156 kg, por në u ngjit fare në pedane për provën e tretë.
Në shtytje, Calja realizoi me suskes vetëm provën e parë, me 181 kg, por nuk arrin të realizojë dy provat e tjera, me 190kg.
Në pedanë për Shqipërinë në këtë Botëror do të garojnë edhe Daniel Godelli e Erkland Qerimaj (të dy në peshën 81 kg) si dhe Krenar Shoraj në peshën 89 kg.