Një grua ka rrëfyer eksperiencën e saj të hidhur gjatë momenteve të lëkundjes së tokës në Tiranë. Duke mos dashur të zbulojë identitetin e saj, ajo tregon për “Neës 24” tmerrin e përjetuar gjatë atyre momenteve.
Zonja në fjalë shprehet se ishte duke ndenjur në shtëpi, në momentin që toka nisi të dridhej. Ajo shton se e frikësuar, rrëmbeu dy fëmijët e mitur dhe pa e menduar dy herë, u hodh nga ballkoni.
Vetë pësoi disa dëmtime të vogla, ndërsa fëmijët, për fat të mirë, shpëtuan pa u prekur. Ata janë traumatizuar psikologjikisht.
Ku ndodheshit kur ra tërmet?
Brenda në shtëpi, filluan të bërtisnin fëmijët. Kapa në krah çunin dhe gocën dhe u hodha nga ballkoni. Shtëpia vende-vende është çarë.
Po fëmijët kanë pas lëndime?
Jo, vetëm se janë trembur, janë traumatizuar. Fëmijët kanë pas më shumë dëmtime psikologjike. Banesa është një katëshe.
Ka persona të tjerë të lënduar?
Nuk e di, thonë që ka, më shumë nga frika. Ashtu siç dola dhe unë.
Sa fëmijë keni, banesa juaj është e banueshme?
Jo, mbrëmë kemi ndenjur deri vonë jashtë, pastaj kemi shkuar të flemë te nëna. Fëmijët janë te komshinjtë. Goca nuk ka vënë gjumë në sy fare.