Rreth 105 persona janë lënduar nga tërmetet e njëpasnjëshme dhe të forta që lëkundën vendin tonë gjatë ditës së djeshme. Të paktën këto janë shifrat zyrtare që vijnë nga ministria e Shëndetësisë.
Deri më tani raportohet se 74 qytetarë kanë marrë shërbim në spitalin e Traumës, pasi janë goditur apo kanë marrë dëmtime të shkaktuara nga tërmeti.
Aktualisht, 7 qytetarë që po marrin shërbim në spitalin e Traumës dhe 3 qytetarë në spitalin e Durrësit.
Ministria e Shëndetësisë, në një njoftim për shtyp, bën me dije se vijon gatishmëria e ekipeve mjekësore me spitalin e Traumës, në QSUT dhe në spitalin e Durrësit.
Në këto spitale kanë marrë shërbim mjekësor 105 qytetarë të lënduar nga tërmeti, nga të cilët 74 qytetarë kanë marrë shërbim në spitalin e Traumës, kryesisht me dëmtime të shkaktuara nga rrezimet apo goditjet.
Pjesa më e madhe e pacientëve kanë lënë spitalet dhe aktualisht janë 7 qytetarë që po marrin shërbim në spitalin e Traumës dhe 3 qytetarë në spitalin e Durrësit.
Spitalet janë në gatishmëri të plotë, me staf të përforcuar mjekësor. Ministria e Shëndetësisë ka vënë në zbatim planin e gatishmërisë për rastet e emergjencave.
