Tërmetet nuk dinë të ndalen, kështu po e kalojnë natën qytetarët që kanë frikë të kthehen në banesa

Që pas tërmetit me magnitutë 5.8 ballë pas orës 16:00 të pasdites lëkundjet e tokës nuk kanë ditur të ndalen.

Pas lëkundjes së parë, e cila u shënua në orën 16:04, një tjetër dridhje e fortë ka ndodhur pak minuta më pas. Tërmetet kanë vazhduar herë pas here gjatë ditës dhe një tjetër me magnitutë 5.0 ballë u regjistrua vetëm disa minuta më parë. (00:07).

Ndërkohë që dridhjet e tokës vazhdojnë shumë qyetarë në Tiranë dhe në Durrës kanë frikë që të kthehen në shtëpitë e tyre.

Disa nga frika se mos bie ndonjë tjetër tërmet i fuqishëm dhe disa të tjerë për shkak të dëmeve që ju janë bërë nëpër banesa.

Ndërkohë në redaksinë e JOQ Albania kanë ardhur foto të shumta nga qytetarë që janë sajuar nëpër makina ose në qiell të hapur.

Gjithsesi, jemi në ditët e fundit të shtatorit dhe temperaturat janë ulur ndjeshëm.

Një qytetar shkruan pranë redaksisë së JOQ Albania:

Mirebrema po kalojm naten jashte shtepis po eshte ftohte nuk rrihet dhe jashte. Lekudjet vashdojn her pas here ne qytetin e Durresit.”

Situata mbetet më e vështirë në Durrës pasi aty është edhe epiqendra e tërmetit dhe lëkundjet rrjedhimisht më të shpeshta.