Të gjithë shqipatrët janë njohur prej shumë kohësh me planet e kryeministrit Edi Rama për ndërtimin e një aeroporti në Vlorë. Pas ndërtimit të atij të Kukësit, i cili deri më tani duket se nuk është vënë në funksion, aeroporti i Vlorës pritet të jetë një prej veprave të mëdha të qeverisë Rama II.
E teksa ne flasim vetëm me fjalë, bota bën vepra. Kështu, Kina është gati të përurojë aeroportin më të ri ndërkombëtar. “Daxing Pekin” është konsideruar si një mega-aeroport dhe do të jetë një ndër më të mëdhenjtë në botë.
Ajo që ka tërhequr më shumë vëmendjen është forma e veçantë e tij. Nga lart ai duket si yll deti. Pekini mban vendin e dytë në botë për aeroportin më të frekuentuar, që është ai i kryeqytetit, Pekinit.
Duke qenë se ai po mbingarkohet dhe nuk mund të shtohen fluturime, apo avionë të rinj, është konsideruar si domosdoshmëri krijimi i një hapësire tjetër me një kapacitet më të madh.
Së bashku me të do të përurohet dhe Airbus A380, avioni më i madh në botë, që konsiderohet si pjesë e epokës së re të transportit ajror. Gjë që lë të kuptohet që synimet e tyre janë akoma dhe më të mëdha.
Për këtë projekt kanë nisur punimet që në vitin 2014 dhe vlera e tij mendohet të ketë arritur deri në 11.5 miliardë dollarë, ndërkohë që fluturimi i parë do të kryhet sot, më 20 Shtator.
