JOQ Albania
Home

“Isha 12-vjeç dhe s’kisha para”, Ronaldo kujton kohën kur lypte hamburger në mesnatë
Shkruar nga: V Gashi | Publikuar më: 18/09/2019 16:46

  • Share
  • Share
  • Share
  • Share

Ylli portugez, Cristiano Ronaldo cilësohet si një ndër futbollistët më të mirë të të gjitha kohërave.

Ashtu si shumica e futbollistëve të talentuar që para se të bëheshin "yje" kanë përjetuar një kalvar të gjatë vuajtjesh dhe peripecish, edhe sulmuesi 34-vjeçar i Juventus ka pasur një fëmijëri tepër të vështirë.

Në një rrëfim për gazetarin e njohur Piers Morgan, 5 herë fituesi i Topit të Artë ka rrëfyer thuajse gjithë historinë e jetës së tij.

Ndër të tjera Ronaldo tregoi vuajtjet që ka përjetuar në moshën 12-vjeçare.

Ai zbuloi se asokohe ishte i detyruar që të lypte në mesnatë për ndonjë hamburger që kishte tepruar.

Ish-ylli i Real Madrid tha se nuk do t’i harronte kurrë tre vajzat që e kanë ndihmuar me ushqim kur ai ishte fëmijë.

Portugezi rrëfeu: 

“Isha 12 vjeç dhe nuk kishim para. Jetoja së bashku me disa futbollistë të moshës sime, të cilët vinin nga disa vende të ndryshme të Portugalisë. Ishte shumë e vështirë pa mbështetjen e familjes, të cilën e takoja njëherë në disa muaj. Rreth orës 22:30-23:00, ishim të uritur. Kishim një “McDonalds” aty pranë dhe shkonim nga pjesa pas dhe i binim xhamit: “Hey, a ka tepruar ndonjë hamburger?”. Nuk do ta harroj kurrë Ednën dhe dy vajzat të tjera, të cilat gjithmonë më ndihmonin. Kurrë nuk i gjeta më, kam pyetur kudo në Portugali se ku mund të jenë ata vajza sepse nuk po i gjeja. Shpresoj që kjo intervistë të më ndihmoj që t’i gjej, do të isha shumë shumë i lumtur. Do t’i ftoj në Torino apo Lisbonë, do isha i lumtur t’i kisha për një darkë. Dua t’u jap diçka mbrapsht, sepse është diçka që nuk do ta harroj kurrë, atë periudhë të vështirë në jetën time.”

***

Për t’u bërë pjesë e grupit mjafton të klikoni: Join Group dhe kërkesa do t’ju aprovohet.
KOMUNITETI JOQ ALBANIA: https://m.facebook.com/groups/komunitetiJOQ/