JOQ Albania
Home

The Sun: Njihuni me Florian Markun, boksierin e njohur shqiptar që premton të mahnisë fansat
Shkruar nga: V Gashi | Publikuar më: 17/09/2019 23:08

  • Share
  • Share
  • Share
  • Share

"Njihuni me Florian Markun, boksieri i famshëm shqiptar, të cilit nuk ja keni dëgjuar ndonjëherë emrin që synon të mahnisë tifozët e Ultimate Boxxer 5",  ky është titulli i një artikulli të prestigjozes britanike "The Sun", kushtuar boksierit të njohur shqiptar, Florian Marku.

Tabloidi britanik shkruan se në vetëm tre ndeshje të zhvilluara në Mbretërinë e Bashkuar, boksieri 26-vjeçar ka mundur të mbushë plot arenën "O2", pasi janë shitur thuajse të gjitha biletat.

Marku njihet për miqësinë e tij me yllin e Liverpool, Xherdan Shaqiri si dhe futbollistët e tjerë të talentuar me origjinë shqiptare që luajnë tek Arsenal, si Shkodran Mustafi dhe Granit Xhaka.

Tre yjet e Premierligës me shumë mundësi mund të jenë së bashku të premten në "O2 Arena" në Londër, në mbështetje Markun në ndeshjen e tij të rradhës.

Luftëtari 26-vjeçar i arteve marciale të miksuara (MMA) gjithashtu numëron mbi 326 mijë fansa në llogarinë e tij në "Instagram".

Marku ka folur për popullaritetin e tij në rritje, si dhe për miqësitë me futbollistët me origjinë shqiptare.

Boksieri shqiptar u shpreh:

Për tifozët në Mbretërinë e Bashkuar unë jam i ri dhe i panjohur, por në Shqipëri, Greqi, Austri dhe në të gjithë Europën, kam shumë tifozë pasi kam pasur mbi 100 luftime në "kickbox" dhe MMA, kam fituar tre tituj botëror dhe kam 10 vjet pa pësuar humbje. Kam shitur rreth 800 bileta për ndeshjen O2 në korrik, por di të them vetëm 20 prej tyre që janë miq dhe familjarë. Pjesa tjetër janë tifozë që ndoshta nuk i kam takuar kurrë, madje kisha pasur dy djem të fluturonin nga Australia. Xherdan Shaqiri është një mik i imi dhe gjëja më e madhe për ne shqiptarët është që ne të qëndrojmë në kontakt me njëri-tjetrin në të gjithë botën. Granit Xhaka dhe Shkodran Mustafi janë miqtë e mi dhe, në varësi të orarit të tyre në fundjavën e ndeshjes time, ata do të jenë atje për të më mbështetur."

Marku do të marrë pjesë të premten në aktivitetin sportiv "Ultimate Boxxer Show 5", ku 8 boksierë profesionistë do të ndeshen me njëri-tjetrin dhe në fund të mbrëmjes që do të zgjasë disa orë, fituesi, përveç lavdisë, do të marrë dhe një shumë parash si shpërblim.

Më tej, boksieri shqiptar tregoi për "The Sun" situatën e rëndë që ka përjetuar Shqipëria dhe Kosova gjatë këtyre viteve, duke detyruar mijëra të rinj të largohen jashtë vendit.

Ai u shpreh:

Në Shqipëri dhe Kosovë kemi pasur luftëra shumë të këqija dhe gjithçka ka qenë një rrëmujë e vërtetë, gjërat kanë qenë të qeta për 10 vitet e fundit por varfëria vijon të jetë mbizotëruese. Gjërat po përmirësohen, por ne akoma prodhojmë edhe njerëz të dhunshëm e të ashpër për shkak të asaj që prindërit dhe gjyshërit tanë kanë kaluar."

Marku u shpërngul drejt Greqisë në moshën 4-vjeçare, kur qeveria shqiptare u rrëzua dhe babai i tij ishte i sëmurë.

Atje ai filloi karrierën e tij të në sportin e MMA përpara se të klinikonte tituj të shumtë, WKU ari kutinë e titullit të tij të preferuar, dhe më pas vazhdoi karrierën e tij në Austri para se të arrinte në Mbretërinë e Bashkuar si boksier profesionist.

Marku do të ndeshen me boksierin çek, Miroslav Serban.

Teksa komentoi ndeshjen e tij me çekun, Marku tha:

Kundërshtari im është një luftëtar i mirë, unë nuk dua të bëj rekordin tim me ndeshje të lehta. Ne kishim një listë të gjatë të kundërshtarëve të mundshëm dhe askush prej tyre nuk dëshironte të ndeshej me mua. Luan Krasniqi ka qenë boksieri më i madh shqiptar deri më tani. Por ne kurrë nuk kemi pasur një kampion botëror. Besoj dhe shpresoj se ai do të jem unë. Ultimate Boxxer do të transmetohet në televizion dhe besoj se do të më ndihmojë në rrugën time për të arritur ëndrrën time ”.

Burimi: The Sun|Përktheu dhe Përshtati: JOQ Albania

***

Për t’u bërë pjesë e grupit mjafton të klikoni: Join Group dhe kërkesa do t’ju aprovohet.
KOMUNITETI JOQ ALBANIA: https://m.facebook.com/groups/komunitetiJOQ/