JOQ Albania
Home

“Radhën e ke ti”/ Tyson Fury përfundon në spital pas ndeshjes kundër Otto Wallin, por gjen kohë të lëshojë sfidën për Deontay Wilder
Shkruar nga: L Çela | Publikuar më: 15/09/2019 19:21

  • Share
  • Share
  • Share
  • Share

Një fitore e përgjakshme ajo e Tyson Fury përballë Otto Wallin pasi boksieri britanik u desh të shkonte menjëherë në spital pas triumfit me pikë.

Në raundin e tretë Fury mori një goditje shumë të fortë nga kundërshtari i tij që i shkaktoi një të çarë në vetull, por pavarësisht kësaj britaniku nuk u dorëzua dhe luftoi fort për 12 raunde dhe në fund arriti të fitonte.

Ai nuk mundi që të merrte pjesë në konferencën për shtyp pas ndeshjes pasi dëmtimi ishte jo i lehtë dhe duhej përkujdesje mjekësore.

Me sa duket Fury ia ka hedhur edhe kësaj here. Në një postim në rrjetet sociale ai tregon se është akoma i fortë dhe gati për një përballje tjetër kundër rivalit të tij më të madh për momentin, Deontay Wilder.

Pavarësisht dëmtimit të rëndë që mori Fury nuk e harron ndeshjen me Wilder. Përballja e parë mes tyre u mbyll në barazim dhe e dyta që mund të mbahet në muajt në vazhdim premton spektakël.

***

Për t’u bërë pjesë e grupit mjafton të klikoni: Join Group dhe kërkesa do t’ju aprovohet.
KOMUNITETI JOQ ALBANIA: https://m.facebook.com/groups/komunitetiJOQ/