Etrit Berisha ka fituar derbin e portierëve shqiptarë me Tomas Strakoshën. Portieri i Spal la grumbullimin e kombëtares për shkak të një dëmtimi, por u rikuperua në kohë dhe e nisi ndeshjen kundër Lazios si titullar.
Në fund festa ishte për Berishën pasi ndeshja u mbyll 2-1 për Spal. Petagna dhe më pas Kurtic i shënuan dy gola Strakoshës që përmbysën golin e Immobile.
Në përfundim të sfidës, Berisha ishte një nga lojtarët më të vlerësuar nga mediat italiane. Ai mori notën 6.5.
Mban me këmbë në tokë ekipin. Vendimtar, mbi të gjitha në pjesën e parë ndaj Luis Albertos. Reagime të rëndësishme edhe në disa raste të tjera, shkruajnë mediat për portierin e Spal.
Për Strakoshën kjo nuk është një periudhë pozitive pasi brenda një harku kohor shumë të shkurtër, me Kombëtaren dhe Lazion ka pësuar 8 gola. Ai u vlerësua me notën 5.5.