I plasën ujërat në Tiranë, Anjola tregon vështirësinë e lindjes së binjakëve në Itali

Anjola Hamzaj është bërë nënë e dy fëmijëve të bukur, binjakë, gjatë kohëve të fundit. Spikerja bukuroshe e TV Klan ka rrëfyer në emisionin “Rudina” se ditën që lindi kishte filluar të mos ndihej mirë. Ajo shton se po atë ditë kishte lënë një takim tek mjeku.

Anjola kujton se rrugës për në spital i kishin plasur ujërat dhe ashtu siç ishte, u nis që të lindte në Itali. Spikerja tregon se si e fshehu shtatzëninë dhe gjendjen e vështirë në të cilën ndodhej, në aeroport.

Nëna e re shprehet:

Ndjeva një lindje të vështirë, duhet të shkoja në Itali. Nga plasja e ujërave, thonë që ke 48 orë kohë, por lindja mund të ndodhë dhe brenda gjysmë ore. Mora guximin. U përpoqa të qëndroja ulur. Në aeroport e mbajta të fshehtë gjendjen time, se ndryshe s’do të më kishin lejuar”.

Më pas spikerja e lajmeve shpjegoi se ishte shumë më fat pasi mund të kishte lindur edhe në avion.

Binjakët lindën në muajin e shtatë, po tashmë janë në gjendje mjaft të mirë shëndetësore.