JOQ Albania
Home

Trajneri i kombëtares shqiptare rrëfen peripecitë me gruan: Nuk donte, prita 5-6 muaj derisa e putha
Shkruar nga: F Tenolli | Publikuar më: 15/09/2019 7:55

  • Share
  • Share
  • Share
  • Share

Trajneri i Kombëtares Edy Reja, në një intervistë për “Jo vetëm modë” ka rrëfyer jetën e tij personale dhe njohjen me bashkëshorten e tij Livian.

Ai ka rrëfyer detaje mjaft interesante nga koha kur ishte i dashuruar me të dhe pritja e gjatë për t’i rrëmbyer asaj një puthje.

Reja ka rrëfyer se ajo ishte shumë e bukur dhe ishte dashuri me shikim të parë.

Pjesë nga intervista

Orinda Huta: Kur jeni njohur?

Reja: Kur isha 17 vjeç dhe luaja me Ferrara-n. Më pas shkova të luaja me Palermon dhe kuptova se nuk rrija dot pa të. Pas një viti u martuam, kur isha 23 vjeç. Në qershor festuam 50-vjetorin.

Orinda Huta: Pra, ishte dashuri me shikim të parë apo…?

Reja: E di… ajo ishte shumë e bukur. Kur ishte e re, se tani jo më (qesh) por edhe shumë e fortë në aspektin e karakterit. Ka qenë shpesh vendimtare në zgjedhjet e mia.

Orinda Huta: E mban mend puthjen e parë me Livian?

Reja: Ka qenë e vështirë. Tani është shumë e thjeshtë, kurse atëherë…. sa e vështirë që ka qenë. M’u desh të prisja me muaj të terë, 5-6 muaj, derisa e putha.

Orinda Huta: Pse kështu?

Reja: Sepse ajo në fillim nuk donte. M’u desh që të këmbëngulja shumë që ta bëja të ndryshonte mendje. Kur u puthem, ishte data 17 Prill e vitit 1966.

***

Për t’u bërë pjesë e grupit mjafton të klikoni: Join Group dhe kërkesa do t’ju aprovohet.
KOMUNITETI JOQ ALBANIA: https://m.facebook.com/groups/komunitetiJOQ/