JOQ Albania
Home

Njihuni me 4 “bishat” e BMW-së që do të prezantohen në premierën botërore të automobilave
Shkruar nga: V Gashi | Publikuar më: 13/09/2019 20:40

  • Share
  • Share
  • Share
  • Share

Alexandra Hirschi, e njohur si "Supercar Blondie", është një prezantuese e famshme dhe vloggere e mediave sociale në Australi.

Ajo njihet gjerësisht për videot e saj, ku promovon dhe përshkruan makinat e reja dhe më të veçanta në "Facebook", "Instagram" dhe "YouTube".

Së fundmi, 33-vjeçarja ka publikuar një video në rrjetet ku tregon disa nga modelet më të rralla dhe luksoze të BMW-së, të cilat ndodhen në panairin e automobilave IAA në Frankfurt të Gjermanisë dhe do të prezantohen së shpejti në premierën botërore.

Modeli i parë që ajo përshkruan është një BMW X5, me sistem antiplumb. Xhami mbrojtës i këtij modeli mund t’i rezistojë edhe plumbave të kallashnikovit, madje edhe sulmeve me granatë. Makina të tilla zakonisht u shiten zyrtarëve qeveritarë. Vetëm 20% e tyre shiten për përdorin personal.

Modeli i dytë është koncepti i BMW 4, e cila është e ardhmja e serisë 4 të gjigandit gjerman të prodhimit të automobilave. Makina është e kuqe e shndritshme, dhe ka një logo "lundruese" të BMW-së në pasqyrë.

Makina tjetër është krejtësisht e veçantë nga dy të tjerat. Ajo mezi mund të shihet në errësirë. Bëhet fjalë për një model të BMW X6 me veshje të veçantë nano-teknologjike mbi të, e cila e bën atë të jetë thuajse e padukshme në errësirë. Sistemi nano-teknologjik përthith të gjithë dritën dhe nuk lejon që të ketë asnjë reflektin mbi skeletin e automjetit.

Ndërsa makina e katërt dhe e fundit që Alexandra na njeh, është një model i8, e cila ende nuk është hedhur në treg. Quhet varianti Ultimate Sophiste dhe vetëm 200 mjete të tilla do të prodhohen. Siç shihet dhe në video, ky automjet është maja e serisë i8. Ai ka një kombinim të veçantë ngjyrash të reflektuara, gri dhe portokalli.

Burimi: Unilad|Përktheu dhe Përshtati: JOQ Albania

****

Për t’u bërë pjesë e grupit mjafton të klikoni: Join Group dhe kërkesa do t’ju aprovohet.
KOMUNITETI JOQ ALBANIA: https://m.facebook.com/groups/komunitetiJOQ/

***

Për t’u bërë pjesë e grupit mjafton të klikoni: Join Group dhe kërkesa do t’ju aprovohet.
KOMUNITETI JOQ ALBANIA: https://m.facebook.com/groups/komunitetiJOQ/