Paraqitjet e jashtëzakonshme të Vedat Muriqit me Përfaqësuesen e Kosovës dhe Fenerbahcen në Turqi kanë zgjuar interesim nga shumë klube të njohura europiane.
Së fundmi, për shërbimet e sulmuesit shqiptar, është futur në garë edhe Manchester United.
Lajmin e konfirmojnë mediat turke, të cilat raportojnë se një skaut i Manchester Unitedit do jetë në stadium në ndeshjen e së hënës mes Fenerbahces dhe Alanyasporin për ta mbikëqyrur nga afër futbollistin e Kosovës.
Më pas, raportin e skautit do ta lexojë trajneri norvegjez i Manchester Unitedit, Ole Gunnar Solskjaer, i cili do të vendosë nëse do t’ia kërkojë ose jo drejtuesve të klubit transferimin e Muriqit.
Muriqi i ka shënuar dy gola në tri ndeshje për Fenerbahcen këtë sezon, ndërsa në dy ndeshjet e shtatorit për Kombëtaren e Kosovës, kundër Çekisë dhe Anglisë, regjistroi dy gola dhe dy asiste.
***
Për t’u bërë pjesë e grupit mjafton të klikoni: Join Group dhe kërkesa do t’ju aprovohet. KOMUNITETI JOQ ALBANIA: https://m.facebook.com/groups/komunitetiJOQ/