JOQ Albania
Home

Humbja ndaj Francës, reagon ashpër Armand Duka: Dy fjalë për tifozët VIP dhe ata kuqezi
Shkruar nga: K Demiraj | Publikuar më: 08/09/2019 22:06

  • Share
  • Share
  • Share
  • Share

Humbja 4-1 ndaj Francës mbrëmjen e djeshme ka sjellë reagime të forta. Mes këtyre reagimeve, është edhe ai i presidentit të Federatës Shqiptare të Futbollit, Armand Duka.

Ky i fundit, nëpërmjet një statusi në faqen zyrtare të “Facebook”-ut, iu bën thirrje tifozëve VIP dhe atyre kuqezi që ta mbështesin ekipin Kombëtar jo vetëm në ditë të mira.

Duka nuk i kursen “thumbat” për të ashtëquajtur tifoza VIP, që sipas tij turren gjithmonë për t’u bërë pjesë e pamerituar e suksesit të të tjerëve.

REAGIMI I DUKËS:

Dy fjalë për tifozat Vip dhe ata kuqezi
Rastësisht, sot pashë një status të një tifozeje të thjeshtë (Jo vip ) të Kombëtares Shqiptare, që mendoj në fakt se është zemra e çdo tifozi Kuq e Zi : ” KOMBËTARE, DO TË VAZHDOJ TË TË DUA, EDHE NË DITË TË MIRA, EDHE NË DITË TË KËQIJA” . Është një mesazh në fakt që përpara se ta lëshoja unë si President i Federatës së Futbollit, do ishte më e dobishme ta dëgjonim nga goja e të parëve të shtetit apo të ashtëquajturit tifoza Vip që vijnë në stadiume vetëm kur jemi në fitore. Në fakt, nuk ka të papritura, Vipat tanë kudo ku ndodhen, në politike dhe jashtë saj, turren gjithmonë për t’u bërë pjesë e pamerituar e suksesit të të tjerëve: kështu po bëjnë sot me Kombëtaren e shkëlqyer të Kosovës, madje po turren më shpejt për të shqyer “tortën e suksesit” me shpejt se dhe vetë polikanët kosovarë apo Vipat kosovarë…Më kujtohet tre vjet më parë kur disa prej tyre ishin gati ta ndërronin foton e Ismail Qemalit me atë të Gianni De Biasit.. Duke mos i kursyer duartrokitjet për Kombëtaren e Kosovës, tifozë të dashur Kuq e Zi, mos u bëni si Vipat tanë: nuk është aspak qytetari ta duash kombëtaren e vendit tënd vetëm kur është në ditët më të mira: duajeni Kombëtaren dhe kur nuk është në ditët e saj më të mira, se me dashurinë tuaj ditët e mira vijnë shpejt: u mposhtëm nga Kampionët e Botës, por ëndrra jonë nuk ka mbaruar."

***

Për t’u bërë pjesë e grupit mjafton të klikoni: Join Group dhe kërkesa do t’ju aprovohet.
KOMUNITETI JOQ ALBANIA: https://m.facebook.com/groups/komunitetiJOQ/