Një ngjarje e paprecedentë ka ndodhur në Kosovë. E themi këtë pasi autoritet kanë bërë me dije se persona të panjohur kanë vjedhur arkat me para në një xhami në Prishtinë.
Bëhet e ditur se kjo ngjarje ka ndodhur rreth orës 10:39 të mëngjesit të djeshëm, por sot është bërë e ditur nga policia e Prishtinës. Po ashtu e ditur bëhet se personat kanë hyrë me forcë brenda xhamisë.
Por ky nuk është rasti i vetëm, pasi edhe këtë të premte në orën 04:30, një tjetër xhami është vjedhur në Kosovë.
Për të dyja rastet policia është ende duke u hetuar, por deri më tani nuk ka asnjë të arrestuar.