Një ngjarje e rëndë të premten në Tiranë, ku dy punëtorë ndërtimi humbën jetën dhe dy të tjerë mbetën të lënduar, pasi shembjes së skelës ku po punonin në rikonstruksionin e një pallati.
Lidhur me ngjarjen, ka reaguar edhe gazetari Bledi Mane, i cili përmes një statusi në "Facebook" ka dhënë alarmin për sektorin e ndërtimit në Shqipëri.
Ai ka publikuar një fotografi ku shihen disa punëtorë ndërtimi, të cilët punojnë pa asnjë kusht minimal dhe teknik sigurie, duke rrezikuar seriozisht jetën e tyre.
Sipas Manes, fotografia në fjalë është shkrepur 100 metra nga zyra e kryebashkiakut Veliaj dhe 50 metra larg Ministrisë së Brendshme.
Reagimi i plotë:
Fotolajm/ ATA VDIQËN DJE, SOT TË TJERË PUNËTORË VALLËZOJNË ME VDEKJEN!
Shkoni dhe zbritini nga skelat e mortjes. Janë punëtorë hallexhinj që punojnë duke rrezikuar jetën pa asnjë kusht minimal teknik dhe sigurie.
Bërtituni e u thoni të lenë punën se jeta e tyre nuk vlen 280 mijë lekë. Shkoni, shkoni mos përtoni. Janë duke suvatuar jo në lagjet periferike të Tiranës por po punojnë në zemër të kryeqytetit. I keni te pjesa e pasme e Ministrisë së Transporteve, 100 metra larg zyrës së kryebashkiak lali Erit dhe 50 metra larg zyrës së ministrit të brendshëm Sandër Lleshi.
Pra hallexhinjtë e këtij vendi punojnë e rrezikojnë jetën edhe për institucionet publike.
Qeveri, lëri pushimet dhe shko zbrit nga skela qytetarët e tu. Çohu nga shezlongët e shtrenjtë o qeveri, luaj bythën dhe shpëto një jetë.
(C)Foto nga gazetarja Beti Njuma