Basha nënshkruan kontratë me banorët e Astirit

Kreu i Partisë Demokratike, Lulzim Basha firmosi një kontratë me banorët e Unazës së Re. Basha i premtoi banorëve se në momentin që PD dhe opozita do të jenë në krye të vendit, do të rishikojë projektin e zgjerimit të Unazës së Re.

Më tej ai shtoi se do të dëmshpërblejë çdo pronë sipas çmimit të tregut. Ndërkohë banorët nga ana tjetër shprehën vendosmërinë për t'i shkuar deri në fund mbrojtjes së banesave të tyre.

Në kontratë thuhet:

Brenda 2 muajve nga momenti kur Partia Demokratike e Shqipërisë dhe opozita e bashkuar do të jetë shumicë politike qeverisëse, do të rishikojë projektin e zgjerimit të Unazës së Re dhe devijimit të Lumit Lana, si dhe, në përputhje me interesin publik, do të ndërmarrë çdo masë që është e nevojshme për të siguruar zhvillimin e zonës sipas interesit të komunitetit dhe dëmshpërblimin, sipas çmimit të tregut, të çdo prone private që preket nga projekti i rishikuar.

PD tha se vlerësimi i banesave do të bëhet sipas Konvenës Europiane të të Drejtave të Njeriut.