Pas largimit të Roben dhe Ribery, Bayern Munchen është në kërkim të sulmuesve të krahut, në mënyrë që të zëvendësojë hapësirat e lëna bosh. Pak ditë më parë gjigandët gjermanë firmosën me kroatin e Interit, Ivan Persic, një marrëveshje me të drejtë blerje.
Duke parë që objektivat e Premier Leagues, Callum Hodson-Odoi i Chelseas dhe Leroy Sane i Mancester Cityt nuk u arritën, Bayern ka hedhur sytë drejt brazilianit të Barcelonës, Philipe Coutinho.
Ky i fundit kaloi një sezon zhgënjyes në Barcelonë, duke mos përmbushur pritshmëritë. Gjithashtu bavarezët po shpresojnë të arrijnë një marrëveshje me formulën e huazimit dy-vjeçar dhe blerjen përfundimtare me gjysmë çmimi.
Megjithatë siç raporton "Goal.com", jo të gjithë në klubin gjerman janë pro këtij transferimi. Një emër me peshë në klub, Steffan Effenbrg, mendon se Bayernit do t'i vlente më shumë eksperienca e Mandzukic.
Sipas tij, transferimi i Coutinhos do të ishte me rrezik, për shkak se lojtari nuk njeh as trajnerin, as gjuhën gjermane, gjithashtu statistikat me Barcelonën nuk i ka të mira, pasi ka shënuar vetëm 5 gola në 38 ndeshje të plota.
Burimi: Teamtalk|Përktheu dhe përshtati: JOQAlbania
