Fshati Zharrëz mund të jetë një ndër vendet me pasuri më të mëdha nëntokësore. Por edhe pse është shumë i pasur me arin e zi, siç i thuhet naftës ndryshe ky fshat po vuan nga një “plagë” mjedisore.
Derdhjet e pakontrolluara të mbetjeve të rënda të hidrokarbureve ka bërë që banorët e këtij fshati të vuajnë nga sëmundje të shumta.
Kudo shikon mbetje nafte, madje ka edhe fëmijë që luajnë mes tyre. Po thuajse të gjithë banorët vuajnë nga fenolët në gjak, por edhe sëmundjet që marrin jetë po rriten.
Vetëm në këtë fshat janë 7 puse nafte me ndotje të lartë të mjedisit, 4 gropa ekologjike që po ia “marrin jetën “ këtij fshati. Nëse nuk bëhet dika për të ndaluar derdhjen e pakontrolluar të mbetjeve hidrokarbure, pasojat do të jenë drastike për këtë fshat.
