Skuadra braziliane e Flamengos ka bërë një përpjekje të fundit për t'i ndërruar mendjen Mario Balotellit. Drejtuesir e Flamengos kanë takuar sërish agjentin e lojtarit, Mino Raiolën dhe më pas janë tërhequr përfundimisht nga marrëveshja.
Tashmë lojtari është një hap larg Brescias dhe pritet që brenda pak ditësh të nënshkruhet dhe marrëveshja. Balotelli ka zgjedhur zemrën, skuadrën e qytetit të tij, e cila mund t'i japë sërish fanellën e Kombëtares. Mësohet se Balotellin e kishin pyetur dhe disa tifozë të Brescias poshte shtëpisë së tij, për vendimin. E ndërkohë italiani nuk kishte mohuar mundësinë se shumë shpejtë do të kthehej në Serie A.
Me këtë vendim, Balotelli heq dorë nga një kontratë 1 vit e gjysmë, nga e cila do të përfitonte 15 milion euro. Nga ana tjetër Brescia i ka ofruar Balotellit një kontratë tre vjeçare me 1 milion euro në sezon plus bonuse, që mund të shkojë deri në 3 milion euro. E pamjaftueshme mbase për mënyrë e tij të jetesës, por e mjaftueshme për zemrën e tij.
Burimi: Sportmediaset|Përktheu dhe përshtati: JOQAlbania
