McGregor është një nga luftëtarët më mirë të UFC, por shpesh e tepron me sjelljet e tij prej adoleshenti. Irlandezi i ka qejf telashet dhe përfshihet në to sa herë që i jepet mundësia. Një ngjarje e ndodhur para pak javësh, por e publikuar së fundmi nga mediat britanike, tregon një incident të shëmtuar ku progatonist kryesor është pikërisht Konor McGregor.
I gjendur në një lokal, ish-kampioni i UFC, nis të shpërndajë gotat për të qerasur të gjithë të pranishmit me nga një uiski “Proper Twelve” të cilin e prodhon kompania në pronësi të tij. Por, një burrë i moshuar (duket nga thinjat) e refuzon dy herë ofertën e tij.
Ky veprim e irriton tej mase McGregorin, i cili e godet me grusht në fytyrë, duke i lënë të shtangur të pranishmit e tjerë. Për ta qetësuar sportistin, ndërhyjnë menjëherë shoqëruesit e McGregor, të cilët e nxjerrin jashtë lokalit. Incidenti mësohet se është raportuar në polici dhe hetimet mësohet se vazhdojnë ende.
