Një nga udhujt e tifozerisë së Partizanit, Labinot Ibrahimi, është larguar nga skuadra kampione e Shqipërisë.
Mbrojtësi 33-vjeçar është transferuar tek skuadra e Prishtinës, një dhuratë kjo e presidentit Demi për mikun e tij Remzi Ejupi, e konfirmuar edhe nga vetë nënkampionët e Kosovës.
Ibrahimi iu bashkua ekipit të Partizanit në korrik të 2013, së bashku me portierin Alban Hoxha.
Përmes një postimi në "Facebook", mbrojtësi veteran ka dhënë lajmin e largimit të tij dhe emocionet që ka përjetuar gjatë këtyre viteve që ka luajtur për "të kuqtë".
Të dashur miq dhe dashamirës të mi dhe të skuadrës së Partizanit Nga sot nuk do jem pjesë e Partizanit. E falënderoj president Gaz Demin për mbështetjen që më ka dhënë këto 6 vite, falënderoj drejtorin Olsi Rama, falënderoj trajnerët me të cilët punova, shokët e skuadrës, gratë të cilat na bënin bukën e na lanin rrobat, punëtoret dhe çdo njeri që e rrethon këtë klub. Falënderim tjetër kam edhe për UG e madh, ju falënderoj nga zemra për këto 6 vite, më keni bërë të ndihem si në shtëpinë time dhe keni qenë mbështetja ime gjithmonë. Unë po largohem nga klubi në të cilin u dashurova që në ditën e parë që erdha, po largohem me kokën lart pasi ia arrita qëllimit që kisha, titullit kampion. Shpresoj të shihemi përsëri. Me respekt, Labi juaj.”
***
Për t’u bërë pjesë e grupit mjafton të klikoni: Join Group dhe kërkesa do t’ju aprovohet.
KOMUNITETI JOQ ALBANIA: https://m.facebook.com/groups/komunitetiJOQ/