Mbrëmjen e djeshme u zhvilluan ndeshjet e turit të tretë kualifikues të ‘’Champions League’’ ku si zakonisht nuk munguan surprizat. Një nga përballjet më interesante ishte ajo mes danezëve të Kopenhagenit dhe serbëve të Crevena Zvezdës.
Kualifikimi u vendos nga penalltitë dhe më tej u kualifikua ekipi serb, falë edhe një magjie. Po, e lexuat mirë: falë një magjie afrikane të bërë para ekzekutimit të penalltive nga lojtari ganez, Richmond Boaci. Kamerat kanë fokusuar Boacin, i cili ka praktikuar një ritual magjie te portieri i ekipit serb.
E gjitha kjo rezultoi efektive, pasi për vetë mënyrën sesi erdhi kualifikimi, ishte diçka e pazakontë. Flitet për magjinë ‘Voodoo’’ që në Afrikë besohet aq shumë në efektin e saj, aqsa konsiderohet edhe si vdekjeprurëse shpeshherë, shkruan "Shqipëria.ch". Ajo ka në thelb besimin në forcat e padukshme, shpirtrat dhe që kthehen në një ndihmë të madhe kur e kërkon prej tyre.
