Zgjedhje me mendje apo me zemër. Ky është udhëkryqi në të cilin ndodhet tashmë Mario Balotelli. Italiani duhet të vendosë, nëse do të pranojë propozimin e Flamengos, apo do të kthehet në shtëpi në Brescia.
Brazilianët i kanë ofruar Balotellit 10 milion euro deri në dhjetor të 2020-ës dhe një vend tek Boavista për vëllanë e tij Enock. Nga ana tjetër qëndron Brescia, vendi ku ka kaluar fëmijërinë dhe hodhi hapat e parë si futbollist, gjithashtë është edhe mundësia për të qenë akoma pjesë e futbollit kompetitiv dhe që mbase do t'i mbante të hapur akoma derën në Kombëtare.
Pas përpjekjeve të Flamengos, tashmë duket se peshorja anon nga Brescia. Gjithashtu në Kombëtare ka bekimin e Mancinit, i cili e katapultoi në futbollin profesionist. Brescia mund t'i ofrojë Balotëllit vetëm një kontratë 3-vjeçare me 2 milion euro rrogë plus bonese.
Megjithatë Flamengo nuk ka ndërmend të heqë dorë kollaj dhe do të zhvillojë një takim tjerër me agjentin e lojtarit, Mino Raiolën. Tashmë i takon SuperMarios të vendosë.
Burimi: Sportmediaset|Përktheu dhe përshtati: JOQAlbania