JOQ Albania
Home

Nisje perfekte, De Rossi shënon gol në debutimin e tij te Boca Juniors
Shkruar nga: K Demiraj | Publikuar më: 14/08/2019 10:03

  • Share
  • Share
  • Share
  • Share

Aventura e Daniele De Rossit në Argjentinë te Boca Juniors ka nisur në mënyrë perfekte. Mesfushori italian i ka mahnitur të gjithë që në ndeshjen e parë duke bërë një paraqitje fantastike.

Përveç performancës së jashtëzakonshme, De Rossi ka shënuar edhe një gol në ndeshjen e Kupës ndaj Almagros.

Pas një krosimi në zonë nga një goditje kendi, De Rossi është gjendur i pamarkuar në zonë, aty ku ka arritur të realizojë me kokë duke i dhënë skuadrës së tij avantazhin.

Megjithatë, për fatin e keq, goli i italianit nuk e ndihmoi Bocan të kualifikohej më tej pasi ndeshja shkoi me penallti dhe miqtë u treguan më të saktë.

Gjithsesi, te Boca i gëzohen formës së mesfushorit italian i cili i habit të gjithë këtë merkato vere duke zgjedhur të shkojë pikërisht në kontinentin latin për të vazhduar futbollin.