Milani po përgatitet për një lëvizje të bujshme në merkato. Kuqezinjtë mund të shesin te PSG-ja portierin e tyre, Donarumën pasi Leonardo po insiston që ta marrë atë në Francë.
Mesa duket, edhe kuqezinjtë do ishin të gatshëm ta shisnin portierin e tyre pasi të ardhurat nga kjo shitje do i përdornin për një goditje të fuqishme në merkato.
Sipas La Gazzetta dello Sport, Paolo Maldini dhe Boban janë të gatshëm të futen në veprim nëse PSG plotëson çmimin e kërkuar.
Me paratë e grumbulluara nga shitja e Donnarummas, kuqezinjtë do tentojnë të marrin Iskon nga Real Madridi.
Mesfushori spanjoll nuk është i lumtur në Madrid dhe do e priste me krahë hapur një transferim në Itali, sidomos kur bëhet fjalë për një ekip me histori si Milani.
