Turi paraeleminator i Champions League ka prodhuar surpriza të mëdha. Gjysmëfinalistja e vitit të kaluar, Ajax, u kualifikua mes drithërimash. Holandezët prodhuan frikë për 45 minuat e para tek tifozët, pasi e mbyllën në 1-1.
Por pjesa e dytë foli tërësisht për djemtë e Ten Hag, të cilët dyfishuan dhe trefishuan, ndërsa PAOK shkurtoi diferencën në minutat e fundit, por ishte një gol sa për statistikë.
Dy herë kampionia e Champions Leagues dhe një pjesëmarrëse e përhershme, Porto, nuk ia doli. Pas fitores në Rusinë e largët, portugezët u mposhtën në shtëpi me rezultatin 3-2, i cili çoi Krasnodar në fazën tjetër.
Një tjetër emër i madh do t'i mungojë edicionit të këtij sezoni. Bëhet fjalë për Celtic, i cili u mposht nga rumunët e Clujit me rezultatin 4-3. Ndërkohë kualifikimi u sigurua nga Olympiakos, i cili mundi turqit e Basaksehir 2-0, ndërsa Cervena Zvezda kaloi në Copenhagen falë 11 metërshave.
Eleminim shokues edhe për Baselin, i cili mundet nga austriakët e Lask edhe në transfertë. Apoel nga ana tjetër arrin të kthejë rezultatin ndaj Qarabag, duke fituar 2-0 në Azerbaixhan. Më tej, Rosenborg kalon Maribor, Club Brugge kalon Dinamon e Kievit dhe Dinamo e Zagrebit asfalton 4-0 hungarezët e Ferencvarosh.
Burimi: Sportmediaset|Përktheu dhe përshtati: JOQAlbania