Legjenda e futbollit holandez, Wesley Sneijder ka marrë sot vendimin më të vështirë të karrierës së tij. Ish-mesfushori i Interit dhe Real Madridit, i ka dhënë fund futbollit të luajtur duke varur njëherë e përgjithmonë këpucët në gozhdë.
Gjatë gjithë karrierës së tij, Shnajder zhvilloi 547 ndeshje, dhe arriti të shënojë 155 gola. Aventurën si futbollist ai e nisi me Ajaxin, ku luajti për 5 sezone, dhe më pas në vitin 2007 kaloi tek Real Madridi ku qëndroi për 2 sezone. Kulmin e karrierës e kishte tek Interi, ku u transferua në 2009, dhe një sezon më vonë arriti të fitojë tripletën e famshme me zikaltërit, duke qenë edhe një nga lojtarët më të mirë të asaj skuadre.
Pas 4 sezoneve me italianët në vitin 2013, mesfushori vendosi të largohej, për tu transferuar te turqit e Gallatasarait, ku qëndroi për 4 vite. Në 2017 u transferua te Nice, në kampionatin francez, ku nuk qëndroi më shumë se 6 muaj, për të kaluar më pas në Katar, te Al-Gharafa, ku luajti dy sezonet e fundit.