JOQ Albania
Home

Real Madrid zhgënjen sërish, mposhtet nga Roma me penallti
Shkruar nga: V Gashi | Publikuar më: 11/08/2019 22:40

  • Share
  • Share
  • Share
  • Share

Real Madrid është mposhtur nga Roma, në një miqësore luksi të zhvilluar në "Stadio Olimpico".

Italianët triumfuan pas gjuajtjeve të 11-metërshave, ndërsa koha e rregullt u mbyll me rezultatin 2-2.

Pjesa e parë e ndeshjes ka qenë fantastike, ku dhe u shënuan 4 golat e takimit. Goli i parë u shënua nga Marcelo në minutën e 16, ndërsa në minutën e 34 Perotti barazon shifrat. Vetëm 5 minuta më pas, madrilenët kalojnë sërish në avantazh me anë të Casemiros.

Avantazhi i ekipit spanjoll zgjati vetëm 1 minutë, pasi Dzeko shënoi duke vulosur shifrat e ndeshjes në 2-2.

45 minutat e dyta nuk dhuruan gola, por rastet ishin të shumta nga të dyja skuadrat. Ndërsa tek penalltitë, i fundit që gaboi ishte Marcelo, i cili i dha fitoren Romës, me shifrat 5-4 pas ekzekutimit të 11-metërshave.

Paraqitjet e Real Madrid gjatë këtyre javëve të fundit kanë lënë për të dëshiruar. Të besuarit e Zidane u mposhtën nga Atletico Madrid, Tottenham dhe Bayern Munich në International Champions Cup.

Rezultatet negative në ndeshjet e fundit, vënë në pikëpyetje të madhe ecurinë e madrilenëve, teksa ndodhemi në prag të nisjes së sezonit të ri të La Liga-s.