“Më dhembi si të ishte vajza ime”, prindi gjen videon shqetësuese në celularin e të birit

Sherret banale janë ato për të cilat dëgjojmë shpesh nga aktualiteti shqiptar, ku në jo pak raste degjenerojnë deri në pasoja fatale me humbje jetësh.

Ndoshta është për t’u shqetësuar se si edhe brezi i ri shfaq shenja agrisiviteti në përditshmërinë e tyre, ku zënkat me përleshje fizike, mjete prerëse apo edhe më keq akoma me armë nuk mungojnë.

Një rast i tillë është edhe ky i mëposhtmi që do trajtojmë në vijim, teksa një prind nga Tirana ka zbuluar “aksidentalisht” në telefonin e të birit një video shqetësuese. Dy djem të ri në moshë teksa godasin dhe ofendojnë një vajzë e cila duket minorene, ka rënë në dorën e prindit nga Tirana.

Ai ka kontaktuar me JOQ Albania duke u shprehur:

Përshëndetje JOQ! Kam gjetur këtë video në telefonin e çunit tim dhe shoh dy maskarenj që godasin me grushta e shkelma një vajzë. I bëj thirrje çdo prindi që të kontrollojë më shumë fëmijët e tyre se do të vijë dita që të kujtohet shprehja “çfarë të bën fëmija s’ta bën as Perëndia”… Unë po dëgjoja çunin që po e shifte dhe më bëri pështypje fjalori nga audio e videos. E pyeta se çfarë po shihte dhe ia mora telefonin dhe pashë këtë. Çuni më thotë që ia ka dërguar një shok dhe se ka ndodhur në Tiranë me sa kuptova, por më shqetësoi shumë. Më erdhi keq për gocën si të ishte e imja kur pashë pamjet. Ju lutem publikojeni që të sensibilizohen njerëzit. Dhe nëse djali im ka gisht duhet të përballet për çfarë ka bërë sepse është turp për shoqërinë tonë të ekzistojnë këto sherre.”

Ajo që të bën përshtypje në video, është fakti se sherrin e ndalon një fëmijë shumë më i vogël se protagonistët. Djali me bluzë të bardhë, i cili duket se kalon rastësisht aty, futet mes adoleshentëve dhe pastaj vajza ikën.

Video

Komentet ju takojnë juve.