Një ngjarje e rëndë ka ndodhur ditën e djeshme në kryeqytetin e Italisë, Romën. Fabricio Pishiteli, i njohur ndryshe me nofkën "Diabolik", i është marrë jeta në një pritë nga persona të panjohur.
Pishiteli njihej nga e gjithë Italia si kapo-ultrasi kryesor i ekipit të Lazios.
Ngjarja ndodhi në lagjen Usholana, në “Parco degli Acquedotti”, teksa raportohet se kreu i ultrasve lazialë është qëlluar në kokë.
Fabricio Pishteli kishte qenë duke ecur në park kur i ishte afruar një person i cili e kishte qëlluar duke e lënë të pajetë dhe ishte larguar më pas mes turmës.
E kaluara e tij ka qenë e errët, pasi emri i tij nuk ishte i panjohur për policinë. Ai ishte dënuar shpesh për ngjarje nga më të ndryshmet, përfshi edhe trafikimin e "mallit".
Mediat italiane raportojnë policia ka përjashtuar mundësinë e heqjes qafe për motive që lidhen me botën e ultrasve të futbollit, teksa dyshohet se më e mundshme është pista e hakmarrjes për një trafik ndërkombëtar malli të përfunduar keq me "kokat" shqiptare.
Policia po heton ngjarjen, por ende nuk ka shumë dritë mbi këtë ngjarje të rëndë...