JOQ Albania
Home

Lukaku dhe United thonë “po”, Interi bën goditjen e madhe në merkato
Shkruar nga: K Demiraj | Publikuar më: 07/08/2019 22:51

  • Share
  • Share
  • Share
  • Share

Telenovela ka marrë fund. Romelu Lukaku do veshë fanellën e Interit sezonin tjetër. Marrëveshja është arritur dhe tani nuk ka më asnjë dyshim.

Lajmi  është konfirmuar nga thuajse të gjitha mediat britanike, por dhe ato italiane.

Oferta më e fundit që ka bërë klubi zikaltër ka bindur Man. United që të lërë të lirë futbollistin, ndërsa edhe mes italianëve dhe sulmuesit belg ka marrëveshje të plotë sa i përket rrogës që do të përfitojë.

Zikaltërit do të derdhin në arkat e anglezëve plot 70 milionë euro të ndara në dy këste, plus bonuset, për sulmuesin belg.

Sulmuesi do të nënshkruajë një kontratë 5-vjeçare me zikaltërit, ku do të fitojë 9 milionë euro në sezon.

Pas dy muajve interesim, tani Lukaku do të jetë një lojtar i Interit dhe do të vendoset menjëherë nën urdhrat e Kontes.