Videoja e mbërritur dje në redaksinë e JOQ Albania ku dukej një shqiptar i cili i vinte flakën qendrës së azilit në Bonn Bad Godesberg pasi iu refuzua kërkesa për azil dhe i kishte mbaruar afati i qëndrimit, ka bërë bujë të madhe në mediat gjermane.
Ka qenë vetë gazeta më e madhe europiane BILD, gazetarët e të cilës kanë kontaktuar me stafin e JOQ Albania për të kërkuar informacion në lidhje me videon e publikuar ekskluzivisht nga redaksia jonë.
Pasi një shqiptar dukej se i vinte flakën azilit, të hënën pasdite sirenat e policisë dhe zjarrfikëseve kanë nxituar për të shuar flakët.
Në video ai dëgjohet të thotë:
Njëra prej dhomave ishte përfshirë nga flakët, ndërsa e gjithë ndërtesa u evakuua. 7 persona u plagosën lehtë dhe 150 të tjerë iu nënshtruan kontrolleve dhe më rezultuan pa probleme.
45 zjarrfikës vunë flakët e zjarrit nën kontroll.
Dhoma tashmë është shkatërruar plotësisht dhe është bërë e pabanueshme. Shumica e 251 azilantëve vijnë nga Ballkani Perëndimor, Magrebi, Rusia dhe Iraku. Ata mundën të ristrehoheshin në azil brenda së njëjtës ditë.
Pas disa orësh u bë e qartë se zjarri ishte ndezur qëllimisht. Policia bëri me dije se dy të rinj të moshave 19 dhe 24 vjeç, të cilët jetonin në dhomë, u vunë në pranga.
Burimi: BILD | Përktheu dhe përshtati: JOQ ALBANIA