Mario Baloteli nuk zuri kurrë qetësi. Pas aventurave te Lile dhe Marseja në kampionatin francez, sulmuesi itaian duket se do sistemohet te një ekip i ri për sezonin që pritet të nisë.
Skuadra e Flamengos në kampionatin brazilian mund të bëhet skuadra e re e Balotelit.
Pasi kanë dështuar tratativat me disa skuadra të Serisë A, tashmë ka dalë në skenë pikërisht Flamengo, klub i cili interesohet për të marrë shërbimet e tij.
Brazilianët kanë bërë një ofertë në drejtim të 28-vjeçarit dhe lojtari, së bashku më agjentin e tij, Mino Raiola, po e vlerësojnë atë.
Interesant është fakti se ngjyrat e klubit brazilian janë kuqezi, si ato të Milanit dhe të Liles ku Baloteli ka luajtur edhe në të kaluarën.
Tani, Mario mund të nisë një aventurë të re larg Europës, ku shpreson të arrijë formën e tij më të mirë dhe pse jo të rikthehet në kombëtare.
***
