JOQ Albania
Home

Zbulohet origjina e resë misterioze radioaktive që “pushtoi” Europën
Shkruar nga: V Gashi | Publikuar më: 30/07/2019 21:59

  • Share
  • Share
  • Share
  • Share

Një ekip ndërkombëtar studiuesish zbuluan një rrezatim të pazakontë radioaktiv të regjistruar në vitin 2017, që mbuloi një pjesë të madhe të Europës dhe Rusisë.

Rreziku për shëndetin e njerëzve në Europë u konsiderua në nivele minimale, por kjo gjë nuk mund të thuhet edhe për personat që ndodhen pranë origjinës së rrezatimit.

Në një artikull të botuar nga revista shkencore "PNAS",  thuhet se origjina e rrezatimit bërthamor mund të jetë në fabrikën e përpunimit të plutoniumit "Mayak", që ndodhet në rajonin e Chelyabinsk afër kufirit me Kazakistanin, e cila menaxhohet nga korporata shtetërore e energjisë bërthamore ruse, Rosatom.

Autoritetet ruse kanë mohuar në mënyrë të përsëritur përgjegjësinë për rrezatimin e izotopeve ruthenium-106.

Në një deklaratë për mediat, Rosatom mohoi akuzat, duke thënë:

Ne garantojmë se nuk ka pasur asnjë ngjarje të paraportuar që ka të bëjë me këtë çështje nga Rosatom. Si rregullatori kombëtar, ashtu edhe ekspertët, përmes një hetimi të pavarur ndërkombëtar, inspektuan fabrikën Mayak në vitin 2017 dhe nuk gjetën asgjë që mund të provojë se izotopi ruthenium-106 ishte me origjinë nga këtu. Gjithashtu nuk u gjet asnjë gjurmë e ndonjë aksidenti të supozuar, dhe as nuk zbulua ndonjë provë lokale që të dëshmonte përfshirjen e stafit ndaj niveleve të ngritura të radioaktivitetit."

Në vend të kësaj, zyrtarët rusë sugjeruan se ndoshta një satelit mund të jetë djegur në hapësirë, duke lëshuar izotopet.

Sipas studiuesve, grimcat e quajtura "izotopet e rutheniumit" nuk ishin zbuluar në atmosferën botërore, që prej katastrofës së Çernobilit në vitin 1986.

Burimi: Washington Post | Përktheu dhe Përshtati: JOQ Albania

***

Për t’u bërë pjesë e grupit mjafton të klikoni: Join Group dhe kërkesa do t’ju aprovohet.
KOMUNITETI JOQ ALBANIA: https://m.facebook.com/groups/komunitetiJOQ/