JOQ Albania
Home

A ka rrezik nëse futemi në det pas ushqimit? Ekspertët janë këshillat e rëndësishme
Shkruar nga: E Prifti | Publikuar më: 14/07/2019 0:34

  • Share
  • Share
  • Share
  • Share

Mund t’i kemi dëgjuar shpesh prindërit që na thonë të mos futemi në ujë, kur jemi me pushime në det, pasi kemi ngrënë.

Por sa jemi të rrezikuar në të vërtetë në këtë rast?

Ndonëse problemet nuk janë dhe aq të shpeshta, çdo vit, sipas autoriteteve italiane, raportohen incidente vdekjeprurëse, të cilat vijnë si pasojë e një bllokimi të aparatit tretës që u ka marrë jetën edhe notarëve më të mirë.

Bllokimi digjestiv ndodh në rastin e një uljeje të befasishme të temperaturës së trupit, ( siç është rasti i hedhjes në pishinë apo det), e cila bën që të spostohet një sasi e madhe gjaku nga qendra e organizmit drejt periferisë për të ri-ekuilibruar temperaturën e brendshme.

Gjatë tretjes ndërkohë, pjesa dërrmuese e volumit të gjakut rrjedh drejt organeve të brendshme për të lehtësuar këtë proces dhe oksigjenimin e tyre si dhe spostimi i menjëhershëm i gjakut mund të bllokojë tretjen.

Në rastet kur ky proces ndodh në mënyrë intensive, mund të shkaktojë gjendje të fikëti e më tej, në raste ekstreme dhe mbytjen.

Si përfundim, ekspertët rekomandojnë që në rastet kur ushqimi që keni ngrënë është i bollshëm, këshillohet të kalojnë dy apo tre orë përpara rifutjes në ujë.