JOQ Albania
Home

E rëndë në Tiranë/ I moshuari preket para vajzave 7-vjeçare
Shkruar nga: M Gjini | Publikuar më: 11/07/2019 19:44

  • Share
  • Share
  • Share
  • Share

Ashtu siç është argumentuar edhe nga shumë sociologë dhe ekspertë të seksit, Shqipëria është një vend i ndrydhur seksualisht dhe kjo çon në kryerjen e sjelljeve devijante të meshkujve kundrejt femrave.

Maniakë ndaj vetë sojit të tyre apo persona që synojnë ta shuajnë epshin seksual të pakufishëm me fëmijë… të pafuqishëm për t’u mbrojtur nga qëllimet dashakeqëse të këtyre pedofilave!

Rasti më i fundit që tronditi një komb të tërë ishte ai i abuzimit seksual të një vajze nga babai i saj.

Raste të tillë janë të vështirë për t’u besuar, por edhe të dhimbshëm deri në palcë kur mendon se fëmija ynë apo edhe ne vetë mund të ishim viktima të rasteve të ngjashme.

Me sa duket të tilla ngjarjeve, fatkeqësisht besohet se nuk do u vijë ndonjëherë fundi në vendin tonë…

Në redaksinë e JOQ Albania ka mbërritur një video e cila mund të përkufizohet si e neveritshme! Një tmerr i vërtetë është filmuar ditën e djeshme nga kamerat e një kompleksi pallatesh në zonën e Laprakës në Tiranë, pranë zonës së njohur si Filanto.

Kamerat e sigurisë kanë arritur të filmojnë skenën perverse, ndër më të rrallat e llojit të saj të filmuara ndonjëherë në Shqipëri. Për fat të keq, protagoniste të këtij tmerri kanë qenë dy vajza të vogla jo më shumë se 7 apo 8 vjeç.

Nga pamjet duket se si fillimisht dy vajzat e mitura po luajnë me njëra-tjetrën, kur befas afrohet një burrë në moshë të thyer. Ai pasi i vë re, afrohet pranë tyre, vështron rreth e rrotull për kalimtarë të mundshëm dhe më pas nxjerr organin gjenital duke u vetëkënaqur.

Nga pamjet duket se për fat të mirë, vajzat e vogla nuk kanë arritur të kuptojnë se çfarë po ndodhte, duke vazhduar në lojën e tyre. Mësohet se prindërit e vajzave kanë kryer denoncimin përkatës pranë policisë por ende nuk ka asnjë informacion nëse perversi është arrestuar apo identifikuar.

Pamje të tilla të tmerrshme, na bëjnë të reflektojmë se sa të pasigurtë jemi ne dhe fëmijët tanë në mes të kryeqytetit./JOQALBANIA.COM