Kryetari i Partisë Demokratike, Lulzim Basha u shpreh në një deklaratë për mediat nga selia blu se, Rama po planifikon destabilizm dhe luftë për në 30 qershor.
Deklarata e Bashës:
Në gjendjen ku kemi përfunduar, Shqipëria rrezikon gjithçka. Shqipëria ka nevojë për siguri, për shtet ligjor dhe për mirëqeverisje. Shqipëria ka nevojë të bëhet pjesë e Europës sa më parë. Nuk ka asnjë pikë dyshimi se një qeveri e re, një qeveri e ndershme do të jetë në gjendje të hapë menjëherë negociatat me BE-në. Do të jetë në gjendje të tërheqë investime të huaja. Do të jetë në gjendje të krijojë mundësi pune dhe sipërmarrjeje. Një qeveri e re do të jetë në gjendje të luftojë krimin e organizuar dhe të çlirojë ekonominë e politikën nga krimi”.
Sipas Bashës, ka vetëm një mënyrë se si Shqipëria mund të ketë zgjedhje të lira dhe të ndershme:
Daljen para drejtësisë të atyre që kanë vjedhur zgjedhjet – politikanë, zyrtarë, dhe kriminelë. Që të ndodhë kjo, duhet që Edi Rama të largohet nga kryeministër.Këto dy kushte janë të panegociueshme për pjesëmarrjen e opozitës në zgjedhje. Pa u plotësuar ato, ne nuk do t’i rikthehemi asnjë procesi politik”.
Por çfarë do të ndodh në 30 qershor, sipas kreut të opozitës:
Plani i Ramës për luftë mes shqiptarëve do të dështojë më 30 qershor, pasi, shqiptarët janë bërë bashkë dhe ajo ditë është dita kur nis fundi i regjimit të Edi Ramës. Sa më shumë kohë kalon dhe Rama qëndron në pushtet me një rrjet kriminal, aq më i keq do të jetë fati i tij. Rama po shpërfill zemërimin popullor. Një qeveri e re dhe e ndershme do të jetë në gjendje të hapë negociatat me BE-në, do të tërheqë investime, do të çlirojë vendin nga krimi. Zgjedhjet e fituara me kriminelë sjellin qeveri kriminale si kjo e Edi Ramës. Dalja para drejtësisë e atyre që kanë vjedhur zgjedhjet dhe largimi i Ramës nga posti i kryeministrit janë dy kushtet tonë. Pa u plotësuar këto kushte, nuk ka rikthim në asnjë proces politik”.