Duhej të ishte në Prokurori, kandidati i Shijakut sulmon opozitën me nje copë letër bakalli përpara

Edi Rama ishte i pranishëm ditën e sotme në Durrës, ku prezantoi kandidaten e PS, për zgjedhjet lokale të 30 qershorit, Valbona Sakon.

Takimin e Ramës në Durrës e nisi Elton Arbana, një nga personazhet e dosjes së famshme 339/1, i cili është kandidat për Shijakun.

Në vend që të ishte në Prokurori, për të dhënë shpjegime për përgjimet, Arbana ndodhej në mitingun e Durrësit, duke sulmuar opozitën.

Arbana e quajti opozitën të prapambetur, injorante dhe e zhytur në pisllëk. Ajo që ra në sy ishte fakti që Arbana kishe përpara një letër bakalli, edhe pse tha vetëm dy fjalë, ku ndërkohë u detyrua ta shihte, në momentin kur tha emrin e Edi Ramës.

Arbana tha:

Unë dua Shijakun dhe dua të prek të gjithë trasnformimin si qytetet e tjera të Shqipërisë. Jemi në një moment historik, rruga tjetër është injoranca, prapambetja dhe pisllëku . E vërteta nuk mund të manipulojhet kurrsesi. Ju kërkoj të votoni më 30 qershor.

Kujtojmë këtu se Arbana doli në përgjimet e Bild, duke biseduar me Astrit Avdylajn, një nga anëtarët e bandës së Shijakut.

Avdylaj i kërkonte Arbanës, që të telefononte Inspektoriatin Ndërtimor, që t'i hiqte gjobën një biznesi. Asokohe Arbana ishte kryetar i PS për Shijakun.