Ditën e sotme kryeministri Edi Rama ndodhet në Durrës, në kuadër të turit elektoral për zgjedhjet e 30 qershorit. Rama ka vendosur që t'ja besojë garën për Durrësin, Valbona Sakos.
Edhe në Durrës kryeministri është pritur me protesta të shumta. Simpatizanë të PD, të shoqëruar nga ish-deputetë e drejtues lokale të PD, po tentojnë të çajnë kordonin e policisë.
Protestuesit ndodhen fare pranë vendit ku Rama po zhvillon mitingun. Ndërkohë gjatë fjalës së tij, Rama ka mbrojtur Vangjush Dakon.
Mund të cilësohet e turpshme tentativa e Ramës për të mbrojtur Dakon, duke qenë se është e provuar disa herë nga përgjimet e dosjes 339/1, lidhja e këtij të fundit me elementë kriminalë.
Sikur të mos mjaftonte kjo, Rama e ka quajtur Dakon një hero për qytetin, kur në fakt kryefjala e Durrësit në drejtimin e Dakos ka qenë betoni.
Ndërsa për lidhjen e Dakos me elementët kriminalë, Rama e justifikoi, duke thënë se po hedhin baltë mbi të, pasi nuk kanë rrugë tjetër.